जनकपुरधाम । धनुषा प्रहरीले खोलाबाट अवैध वालुवारगिट्टी उत्खनन गर्ने कार्यमा संलग्न दुईवटा टिपर नियन्त्रणमा लिएको छ । जिल्लाको कमला खोलाबाट अवैध बालुवारगिट्टी उत्खनन गरि ल्याइरहेको गोप्य सूचनाको आधारमा वडा प्रहरी कार्यालय रेल्वेबाट खटिएको प्रहरी टोलीले सो टिपर नियन्त्रणमा लिएको हो ।
जनकपुरधाम उपमहानगरपालिका वडा नम्बर–१ शहिद चोकस्थित बेंगाशिवपुरबाट आउँदै गरेको बालुवा लोड रहेका र भ्याट बिलसमेत नभएका ज।१ क। ३७४ र प्रदेश–२–०२–००१ क ०००१ नम्बरका टिपरहरूलाई नियन्त्रणमा लिइएको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक बेद प्रकाश गौतमले जानकारी दिए ।
नियन्त्रणमा लिइएका दुबै टिपरलाई आवश्यक कारबाहीका लागि जिल्ला समन्वय समितिको कार्यालयमा पठाइएको डीएसपी गौतमले बताए ।
प्रकाशित मिति: २०७९ फाल्गुन १०, बुधबार २१:५९
यो खबर पढेर तपाईलाई कस्तो महसुस भयो ?
तपाईको प्रतिक्रिया
