एजेन्सी, चैत २० । भारतीय संसद (लोकसभा)मा आज वक्फ संशोधन विधेयक प्रस्तुत हुने भएको छ । सबै दलहरूसँग व्यापक छलफल पछि, वक्फ संशोधन विधेयक बुधबार लोकसभामा पेश हुन लागेको छ । विधेयक बुधबारनै पारित हुने लगभग निश्चित छ । तर विधेयकको विषयमा विपक्षीहरुले व्यापक विरोध गर्ने सम्भावना पनी उत्तिकै रहेको छ ।
विपक्षीहरुले विरोध गर्ने जनाएपछि सत्तापक्ष एक जुट देखिएका छन । वक्फ संशोधन विधेयकमा सत्तारुड जनता दल युनाइटेड र तेलेगु देशम पार्टी लगायतका दलहरु सरकारको साथमा दृढतापूर्वक उभिएका छन र विधेयकको समर्थनमा मतदान गर्नेछन्। सदनमा सत्तामा रहेको दलको संख्या पनि पर्याप्त छ । यो विधेयक दुवै सदनबाट सजिलै पारित हुने विश्वास गरिएको छ।
संसदीय मामिला तथा अल्पसंख्यक मामिला मन्त्री किरण रिजिजुले राज्यसभाका सबै दलहरू विधेयकको समर्थनमा पूर्ण रूपमा एकजुट रहेको बताए । उनले विपक्षी दलका धेरै सांसदहरूको समर्थन प्राप्त गरेको दाबी पनि गरे। रिजिजुले भने ‘१२ बजे प्रश्नोत्तर समाप्त भएलगत्तै विधेयक प्रस्तुत गरिनेछ।’
मंगलबार लोकसभा अध्यक्ष ओम बिरलाको अध्यक्षतामा सदनको कार्यकारी समितिको बैठकमा यो विधेयकमाथि आठ घण्टा छलफल गर्ने सहमति भएको थियो, जुन सदनको भावना अनुसार लम्ब्याउन सकिन्छ । यद्यपि, कांग्रेस र अन्य धेरै विपक्षी दलहरूले आफ्नो आवाज दबाएको आरोप लगाउँदै बैठकबाट बाहिरिएका थिए । स्रोतका अनुसार, केन्द्रीय गृहमन्त्री अमित शाह र धेरै वरिष्ठ भाजपा नेताहरूले विधेयकमाथिको छलफलमा भाग लिन सक्छन्।
गत वर्ष अगस्ट ८ मा सरकारले लोकसभामा वक्फ संशोधन विधेयक पेश गरेको थियो, तर विरोधका कारण यसलाई जगदम्बिका पालको नेतृत्वमा रहेको संयुक्त संसदीय समिति (जेपीसी) मा छलफलको लागि पठाइएको थियो। जेपीसीले विधेयकको संशोधनमा राजगका सहयोगीहरूले दिएका सुझावहरू समावेश गरेको छ।
जसको परिणामस्वरूप, टीडीपी, जेडीयू, शिव सेना, लोजपा (रामविलास) र रालोद जस्ता सबै सहयोगी दलहरूले विधेयकको समर्थनको घोषणा गरेको छ र आ(आफ्ना सांसदहरूका लागि ह्वीप जारी गरका छन । जेपीसीले मूल वक्फ संशोधन विधेयकमा कुल १४ परिवर्तनहरू सुझाव दिएका छन , जुन नयाँ संशोधन विधेयकमा समावेश गरिएको छ।
संशोधन पछि, यसलाई फेरि लोकसभामा प्रस्तुत गरिन्छ। यो सामान्य विधेयक भएकोले, सत्तारुढ दललाई यसलाई पारित गर्न सदनमा उपस्थित सदस्यहरूको बहुमत मात्र आवश्यक पर्नेछ।
भाजपाले आफूले अधिकांशको समर्थन प्राप्त गरेको दाबी गरेको छ। विपक्षी दलहरूको संख्या कति पुग्छ भनेर हेर्न रोचक हुनेछ, किनकि विपक्षी दलका केही सदस्यहरू सदनबाट बाहिर निस्कन सक्ने विश्वास गरिन्छ। सरकारले विधेयक पेश गर्ने घोषणा गरेपछि विपक्षी नेताहरूले मंगलबार साँझ संसद भवनमा बैठक गरे।
संयुक्त बैठकपछि, भारतका दलहरूले भने कि वक्फ संशोधन विधेयकमा मोदी सरकारको विभाजनकारी एजेन्डालाई परास्त गर्न सम्पूर्ण विपक्षी एकजुट छन्। कांग्रेस र विपक्षी सहित धेरै दलहरूले आफ्ना सांसदहरूलाई आगामी तीन दिनसम्म सदनमा बस्न ह्विप जारी गरे।
भाजपाका ९८ सदस्य
भाजपाका ९८ सदस्य छन् भने सहयोगी दलका १९ सदस्य छन् । दुई स्वतन्त्र सदस्यहरूले पनि भाजपालाई समर्थन गर्छन्। यसरी, सत्तारुढ दललाई कुल १२५ सदस्यको समर्थन छ, जुन बहुमतभन्दा छ जनाले बढी हो। अर्कोतर्फ, विपक्षी खेमामा कांग्रेसका २७ सदस्य र अन्य दलका ६० सदस्य छन्।
विपक्षीको संख्या ८८ पुग्यो
एक जना स्वतन्त्र उम्मेदवारले जम्मा ८८ जना र्पुयाउँछन्। यसका साथै, वाईएसआरका सात सदस्य, बिजदका सात सदस्य र अन्य साना दलहरूले अझै आफ्नो दल स्पष्ट पारेका छैनन्। अर्कोतर्फ, भारतको क्याथोलिक बिशप सम्मेलन पछि, भारतको चर्च संगठनले पनि मंगलबार विधेयकलाई समर्थन गरेका छन ।
प्रकाशित मिति: २०८१ चैत्र २०, बुधबार ०८:४६
