एजेन्सी, असार १ । आइतबार बिहान केदारनाथ नजिकै हेलिकप्टर दुर्घटना हुँदा पाँच जनाको मृत्यु भएको छ । केदारनाथ नजिक गौरीकुण्डमा हेलिकप्टर दुर्घटनाग्रस्त हुँदा पाइलटसहित ५ जनाको मृत्यु भएको भारतीय संचारमाध्यमहरुले जनाएकोछ । मृत्यु हुनेमा एक बालक पनि समावेश छन् । गौरीकुण्डबाट केदारनाथ जाँदै गरेको हेलिकप्टरमा जम्मा ७ जना सवार थिए ।
आर्यन एभिएसन कम्पनीको हेलिकप्टर खराब मौसमका कारण केदारनाथ नजिकै हेलिकप्टर गौरीकुण्डको जंगलमा दुर्घटनाग्रस्त भएको प्रारम्भिक जानकारी प्राप्त भएको छ । दुर्घटना स्थलमा राहत र उद्धार कार्य सुरु गरिएको छ । गौरीकुण्डबाट पनि उद्धार टोली पठाइँदैछ ।
दुर्घटनाको बारेमा उत्तराखण्डका मुख्यमन्त्री पुष्कर सिंह धामीले भने– ’रुद्रप्रयागमा हेलिकप्टर दुर्घटना भएको बारेमा दुखद खबर प्राप्त भएको छ।’ एसडीआरएफ, स्थानीय प्रशासन र अन्य उद्धार टोलीहरू राहत र उद्धार कार्यमा संलग्न छन्। सबै यात्रुहरू सुरक्षित रहून् भन्ने कामना गर्दछु ।
८ दिन अघि रुद्रप्रयागमा एउटा हेलिकप्टरले सडकमा आपतकालीन अवतरण गरेको थियो।
जुन ७ मा, उत्तराखण्डको रुद्रप्रयागमा प्राविधिक गडबडीका कारण हेलिकप्टर सडकमा आपतकालीन अवतरण गरिएको थियो। यस क्रममा हेलिकप्टर कारमा खस्ने बित्तिकै पछाडिको भाग भाँचियो। गाडी पनि पूर्ण रूपमा क्षतिग्रस्त भयो। राजमार्गको छेउमा रहेको पसलको टिनको शेड पनि हेलिकप्टरको पंखाले उडाएको थियो। यस समयमा पसलमा बसिरहेका मानिसहरू भागेर आफ्नो ज्यान बचाएका थिए ।
प्रकाशित मिति: २०८२ असार १, आइतवार ०९:१९
