एजेन्सी, असार २ । इजरायल इरान बीचको युद्ध भयानक मोडमा पुगेको संगै तेस्रो विश्वयुद्धको खतरा बढन थालेको छ । इरानले इजरायली शहर तेल अविवमा मिसाइल आक्रमण गरेको थियो, यस आक्रमणमा तीन इजरायली नागरिकको मृत्यु भएको थियो। यो आक्रमणपछि इजरायलले निकै कडा प्रतिक्रियाको घोषणा गरेको छ ।

इजरायली विदेशमन्त्री इजरायल काट्जले कडा शब्दमा इरानले क्षेप्यास्त्र आक्रमण बन्द नगरे तेहरान जल्ने चेतावनी दिएका छन । काट्जले इरानले आफ्ना नागरिकहरूलाई मानव ढालको रूपमा प्रयोग गरेको आरोप समेत लगाए ।

इजरायलले इरानमाथि लगाएको आरोप

उनले भने कि इरानी तानाशाहले आफ्ना जनतालाई बन्धक बनाएर यस्तो अवस्थामा राखिरहेका छन् जहाँ विशेष गरी तेहरानका नागरिकहरूले ठूलो मूल्य चुकाउनुपर्नेछ । यसैबीच, इरानले पश्चिमा देशहरूलाई इजरायललाई समर्थन गरेमा उनीहरूलाई पनि निशाना बनाइने चेतावनी दिएको छ ।

इजरायललाई सहयोग गर्ने कुनै पनि देशलाई हामीद्वारा निशाना बनाइनेछ, इरानको सरकारी सञ्चार माध्यम मेहर समाचार एजेन्सीले भनेको छ ।

अपरेशन राइजिङ लायन सुरु

गत शुक्रबार, इजरायलले इरानमा आक्रमण गरेर अपरेशन राइजिङ लायन सुरु गरेको थियो। इजरायली सेनाका प्रवक्ता ब्रिगेडियर जनरल एफी डेफ्रिनले भने कि २०० लडाकु विमानहरूले अपरेशनमा भाग लिएका थिए र १०० भन्दा बढी लक्ष्यहरूमा आक्रमण गरिएको थियो । त्यही समयमा, इरानले लगभग १०० ड्रोनले इजरायलमाथि आक्रमण र्गयो।

बेलायती सुरक्षा विज्ञ प्रोफेसर एन्थोनी ग्लीसनले दुई देशबीच बढ्दो तनावलाई तेस्रो विश्वयुद्धको खतरा  सम्भावित सुरुवातको रूपमा वर्णन गरेका छन्। उनले भने कि यदि इरान र यसका सहयोगीहरू जस्तै हिजबुल्लाह, हुथी र हमासले बदला लिए भने युरोप र अमेरिकालाई यसमा तानिनबाट रोक्न सकिँदैन।

उनले चेतावनी दिए कि रूस, उत्तर कोरिया र चीन जस्ता देशका नेताहरूले यो अवसरको फाइदा उठाउँदै आ(आफ्नो क्षेत्रमा सैन्य कारबाही गर्न सक्छन्। युक्रेनमा रूस, ताइवानमा चीन र दक्षिण कोरियामा उत्तर कोरिया जस्तै।

साइबर युद्धको डर

प्रोफेसर ग्लेसले भविष्यको युद्ध प्राविधिक रूपमा धेरै खतरनाक हुने बताए । पहिलो, साइबर आक्रमण हुनेछ, जसले सञ्चार प्रणालीलाई ठप्प पार्नेछ। उनले दाबी गरे कि इजरायलले पहिलो केही सेकेन्डमा नै इरानको डिजिटल नेटवर्क ध्वस्त पारेको थियो।

बेलायती प्रधानमन्त्री केयर स्टारमरले बेलायतले यस क्षेत्रमा जेट र सैन्य स्रोतसाधन पठाउँदै आएको बताए । उनले शान्तिको लागि पनि अपील गरे र भने, ‘हाम्रो सन्देश स्पष्ट छ, तनाव कम गर्नुहोस ।’