एजेन्सी, असार ११ । भारतीय जनता पार्टी (भाजपा)ले आपतकालको कालो दिन हरुलाई स्मरण गर्दै काँग्रेसको आलोचना गरेको छ । आपतकालको ५० औं वार्षिकोत्सवको अवसरमा पटनामा आयोजित एक विशेष कार्यक्रममा प्रमुख अतिथि केन्द्रीय मन्त्री तथा हरियाणाका पूर्व मुख्यमन्त्री मनोहर लाल खट्टरले काँग्रेसको आलोचना गरेका हुन ।
सम्बोधनमा खट्टरले आपतकालका काला दिनहरूको स्मरण गर्दैै भने ,‘आपतकाल उनको जीवनको एक महत्वपूर्ण मोड थियो, जसले उनलाई राजनीतिक रूपमा यो उचाइमा पु¥यायो । काँग्रेसले निम्त्याएको ती कालो दिनहरुलाई जनताले कहिलै बिर्सने छैन ।’
खट्टरले भने कि हामी आपतकालका पीडित हौं। त्यो अवधिले हामीलाई लोकतन्त्र र संविधानको रक्षा कसरी गर्ने भनेर सिकायो। त्यस समयको सरकारले संविधान र कानून व्यवस्थालाई च्यातेको थियो, र आज त्यही मानिसहरू संविधान बचाउने कुरा गर्छन् । संविधानमाथिको वास्तविक खतरा तिनीहरूबाटै हो ।
उनले भने कि १९७५ मा लगाइएको आपतकालले देशको आत्मालाई हल्लाएको थियो। हजारौं मानिसहरूलाई जेल हालियो, अभिव्यक्ति स्वतन्त्रता खोसियो र लोकतान्त्रिक संस्थाहरू कुचलिए। आउने पुस्ताका लागि त्यो समयमा के भयो र देशलाई त्यो अँध्यारो अवधिमा कसले धकेलेको थियो भनेर जान्न महत्त्वपूर्ण छ।
खट्टरले कांग्रेसमाथि निशाना बनाउँदै भने कि यदि यस लोकसभा चुनावमा पार्टीले ९९ सिट पायो र उनीहरू त्यसबाट खुसी छन् भने उनीहरूलाई खुशी हुन दिनुहोस् । देशका जनताले उनीहरूलाई अस्वीकार गरेका छन्, तैपनि उनीहरू आफूलाई लोकतन्त्रको ठेकेदार मान्छन्।
बिहार विधानसभा चुनावको बारेमा खट्टरले भाजपा आफ्नो संगठन र विचारधाराको बलमा चुनावी मैदानमा उत्रिने र जनतालाई आपतकाल जस्ता विषयहरूसँग जोडेर सही इतिहासको बारेमा सचेत गराने बताए । कार्यक्रममा वरिष्ठ भाजपा नेता र कार्यकर्ताहरू उपस्थित थियो । वक्ताहरूले आपतकाललाई भारतीय लोकतन्त्रमाथिको सबैभन्दा ठूलो आक्रमणको रूपमा वर्णन गर्दै १९७५ देखि १९७७ सम्मको अवधिलाई कहिल्यै बिर्सन नसकिने बताए ।
प्रकाशित मिति: २०८२ असार ११, बुधबार ०७:४३
