एजेन्सी, असार १६ । बिहारको दलित समुदायमा शिक्षाको चाहना ह्वातै बढेको पछिल्लो तथ्यांकले देखाएको छ । डा. भीमराव अम्बेडकर समग्र सेवा अभियान अन्तर्गत बिहारको दलित समुदायका बालबालिकाको शिक्षाको लागि विद्यालयमा भर्नाको माग बढेको छ ।

विद्यालय भर्नाका लागि अप्रिल १४ देखि जुन २५ सम्म १ लाख ६२ हजारभन्दा बढीले आवेदन गरेका थिए । जसमध्ये ९५.४० प्रतिशत बालबालिका विद्यालयमा भर्ना भएका छन ।

ई तथ्यांकले दलित समुदायमा बालबालिकाको शिक्षा ठूलो मागको रूपमा देखा परेको देखाएको छ ।

बिहारमा अनुसूचित जाति र अनुसूचित जनजाति समुदायले आफ्ना बालबालिकाहरूलाई शिक्षा दिन रुचि नदेखाएको आम धारणा थियो । तर मुख्यमन्त्री नीतिश कुमारको पहलमा १४ अप्रिलमा बाबा साहेब भीमराव अम्बेडकरको जन्मजयन्तीमा ’डा. ’अम्बेडकर समग्र सेवा अभियान’ सुरु हुँदा विशेष शिविरहरूमा प्राप्त आवेदनहरूबाट केही आश्चर्यजनक तथ्यहरू प्रकाशमा आएका छन ।

यस अभियान अन्तर्गत, राज्यमा अनुसूचित जाति र अनुसूचित जनजाति समुदायको उत्थानका लागि सञ्चालित कुल २० व्यक्तिगत लाभ योजनाहरूको लागि सबै दलित बस्तीहरूमा आवेदनहरू मागिएको छ । जुन २५ सम्म, यी शिविरहरूमा कुल ३८ लाख, ४५ हजार, ९७९ आवेदनहरू प्राप्त भएका छन्। जसमध्ये १८ लाख, ४२ हजार, ५४५ आवेदनहरू कार्यान्वयन गरिएका छन्।

हाल आवेदनहरूको कार्यान्वयनको औसत दर ४७.९१ प्रतिशत रेकर्ड गरिएको छ । दलित समुदायको व्यक्तिगत लाभ, बालबालिकालाई विद्यालयमा भर्ना, आंगनवाडी केन्द्र, आयुष्मान स्वास्थ्य कार्ड, मनरेगा रोजगार कार्ड, जीविका समूह र दिगो जीविकोपार्जन योजना, प्रधानमन्त्री जन–धन योजना, प्रधानमन्त्री जीवन ज्योति योजना र प्रधानमन्त्री सुरक्षा बीमा योजना अन्तर्गत प्राप्त आवेदनहरूको कार्यान्वयनको गति निकै छिटो देखिन्छ ।

त्यस्तै, आंगनवाडी केन्द्रहरूसँग सम्बन्धित आवेदनहरूको कार्यान्वयन दर ९१.५१ प्रतिशत रेकर्ड गरिएको छ । जुन २५ सम्म, राज्यभरबाट समाज कल्याण विभागले आंगनवाडी केन्द्रहरूको लागि कुल १ लाख १७ हजार ४०४ आवेदनहरू प्राप्त गरेको छ । यी मध्ये १ लाख ७ हजार ५७० आवेदनहरू कार्यान्वयन गरिएको छ। जुन कुल प्राप्त आवेदनहरूको ९१.६२ प्रतिशत हो।