एजेन्सी
पटना, असार २० । आसन्न बिहार विधान सभा निर्वाचनमा भारतीय जनता पार्टीले आफना वृद्ध विधायकहरुलाई विदाई गर्ने रणनीति अपनाएको छ।

भाजपाले एनडीए (राष्ट्रिय लोकतान्त्रिक गठबन्धन) मा प्रत्येक सिटको समीकरणमा छलफल गर्दै आन्तरिक सर्वेक्षणका साथै निजी एजेन्सीहरू र संघको रिपोर्टको आधारमा, डेढ दर्जन वृद्ध विधायकहरूलाई विदाई गर्न मन्थन गरि रहेको छ ।

टिकट काटिने जानकारी पाउन साथ संगठनमा पकड राख्ने विधायकहरूको बेचैनी बढ्न थालेको छ । साथै, उक्त क्षेत्रमा नयाँ उम्मेदवारले स्थान पाउने संकेत प्राप्त गरे संगै सम्बन्धित सिटहरूमा टिकटका भावी दावेदारहरूले पनि आफनो सेटिङ्ग मिलाउन लागि परेका छन ।
वर्तमान अवस्था यो छ कि कसैले नेतृत्वको अगाडि आफ्नो दाबी प्रस्तुत गरेका छैनन् । नयाँ दावेदारहरु सिट समाजको हो भनेर दाबी गरिरहेका छन्, भने कसैले पार्टीको लागि संगठन निर्माणमा समर्पित विगत दुई–तीन दशकको विवरण प्रस्तुत गरेर उम्मेदवार बनाउन दबाब बढाएका छन् ।

यससँगै, लामो समयदेखि भाजपाको लागि गरिएको त्याग र समर्पणको आधारमा क्षेत्रमा शक्ति पनि खडा गरिएको छ। पार्टीको तत्काल लक्ष्य ७० देखि ७५ वर्ष उमेरका विधायकहरू हुन् । यसमा पाँचदेखि आठ पटक विधानसभा पुगेका दिग्गजहरूको नाम पनि समावेश छ ।
वृद्ध विधायकहरु यस पटक आफ्नो टिकट काटिने संकेत महसुस गर्दै आफ्ना आफन्तहरूको लागि दावी गर्न थालेका छन् । महत्त्वपूर्ण कुरा के हो भने २०२० अर्थात् पछिल्लो विधानसभा चुनावमा पराजय भोगेका पूर्व वृद्ध विधायकहरू (७० वर्षभन्दा माथि) ले पनि तयारीमा आफ्नो शक्ति लगाएका छन् ।

यद्यपि, त्यस्ता विधायकहरूले पार्टी नेतृत्वबाट हरियो संकेत पाएपछि मात्र तयारी गरिरहेको दाबी गर्छन्। यदि कुनै कारणले टिकट अस्वीकार गरियो भने, उनीहरू स्वतन्त्र रूपमा चुनाव लड्न हिचकिचाउने छैनन् । पूर्व मन्त्री रहेका धेरै दिग्गजहरूका आफन्तहरूको नाम पनि त्यस्ता पूर्व विधायकहरूमा समावेश छ ।

भाजपाले धेरै विधायकहरूको सिट परिवर्तन गर्ने बारेमा पनि विचार गरिरहेको छ। यस्ता विधायकहरू विरुद्धको सत्ताविरोधी लहर एउटा महत्त्वपूर्ण कारण भएको बताइएको छ। भाजपाले गठबन्धन साझेदारहरूसँग सिट साटासाट गर्न सक्ने सम्भावना छ। यसका साथै केही विधायकहरूलाई पनि बसाउन सकिन्छ। यस्ता धेरै बुँदाहरूमा एनडीए गठबन्धन भित्र छलफल भइरहेको छ।

समुदायद्वारा पहिचान गरिएका विधायकहरू

पहिलो चरणमा टिकट अस्वीकार गरिएकाहरूमा उच्च जातका छ जना र पिछडिएका र अत्यन्त पिछडिएका समुदायका छ जना विधायकहरूको नाम समावेश छ। यसबाहेक, अनुसूचित जातिका दुई विधायकहरूको टिकट काट्ने निश्चित छ।