काठमाडौं, असार २४ । नेकपा (एकीकृत समाजवादी) को केन्द्रीय सचिवालय बैठक आज पनि जारी छ ।
आइतबार बसेको बैठकमा पार्टीका नेताहरूले बोल्ने क्रम सकिएपछि बैठकको निष्कर्ष र निर्णय सार्वजनिक गर्न आज (मंगलबार) बिहान ११ बजेदेखि सचिवालय बैठक जारी रहेको जनाइएको छ ।
गत आइतबार बसेको बैठकमा नेताहरूले धारणा राख्ने क्रम जारी रहेकाले पुनः आज बैठक बसेको हो ।
पार्टी अध्यक्ष माधवकुमार नेपालको अध्यक्षतामा केन्द्रीय पार्टी कार्यालयमा आइतबार बसेको बैठकमा मुलुकको समसामयिक राजनीतिक विषयवस्तु, समाजवादी मोर्चाका गतिविधि, वामपन्थी शक्तिबीच एकतालगायत विषयमा छलफल गरिएको थियो ।
बैठकमा पार्टी नेतृ रामकुमारी झाँक्रीका बारेपनि छलफल गरिएको छ ।
उनले असार १४ गते बुटवलमा आयोजित एक कार्यक्रममा पार्टीको मूल नेतृत्व (अध्यक्ष माधवकुमार नेपाल) लक्षित अभिव्यक्ति दिदैँ अर्ली महाधिवेशन गरेर अर्को नेतृत्व चयन गर्नुपर्ने धारणा राखेकी थिइन् ।
प्रकाशित मिति: २०८२ असार २४, मंगलवार १२:४५
