काठमाडौं, असार ३० । प्रतिनिधिसभाको बैठक आज बस्दै छ । संघीय संसद अन्तर्गत प्रतिनिधिसभाको बैठक सोमबार पनि बस्न लागेको छ। संसद सचिवालयका अनुसार बैठक आज दिउँसो १ बजे संसद भवन नयाँबानेश्वरमा बोलाइएको छ।

बैठकको प्रमुख कार्यसूचीमा विभिन्न मन्त्रालयसँग सम्बन्धित मौखिक प्रश्नहरूको उत्तर दिने कार्य समावेश गरिएको छ। आजको बैठकमा सहरी विकास मन्त्रालय, भूमि व्यवस्था, सहकारी तथा गरिबी निवारण मन्त्रालय, भौतिक पूर्वाधार तथा यातायात मन्त्रालय, संस्कृति, पर्यटन तथा नागरिक उड्डयन मन्त्रालय, ऊर्जा, जलस्रोत तथा सिँचाइ मन्त्रालयका सम्बन्धित मन्त्रीहरूले सांसदहरूले उठाउने प्रश्नको जवाफ दिनेछन्।

त्यसैगरी, युवा तथा खेलकुदमन्त्री तेजुलाल चौधरीले ‘राष्ट्रिय खेलकुद विकास ९पहिलो संशोधन० विधेयक, २०८२’ माथि विचार गरियोस् भन्ने प्रस्ताव संसदमा प्रस्तुत गर्ने सम्भावित कार्यसूचीमा छ। यस विधेयकमार्फत खेलकुदको संरचना, विकास, तथा प्रशासनिक व्यवस्थालाई सुदृढ बनाउने अपेक्षा गरिएको छ।

यसैबीच, बैठकमा सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभारसम्बन्धी पत्रको ब्यहोरा पढेर सुनाउने कार्यक्रम पनि रहेको छ।

प्रतिनिधिसभाको बैठकहरू पछिल्ला दिनमा नियमित रूपमा सञ्चालन भइरहेका छन्, जसमा सांसदहरूले मन्त्रालयगत विषयमा प्रश्न उठाउने र मन्त्रीहरूले जवाफ दिने प्रक्रिया चलिरहेको छ। संसदमा उठाइने प्रश्नहरूमा विकास निर्माण, जनताको सेवा प्रवाह, योजनाको कार्यान्वयन अवस्था, तथा सुशासनसँग सम्बन्धित विषयहरू विशेष प्राथमिकतामा पर्ने गरेका छन्।

संसदको यो सत्र विभिन्न विधेयकको छलफल र पारित प्रक्रियाका लागि महत्वपूर्ण मानिएको छ। नीति, योजना तथा विधेयकहरूलाई अगाडि बढाउने र सरकारको जवाफदेहीतालाई संसदमार्फत सुनिश्चित गर्ने प्रयासस्वरूप बैठकहरू आयोजना हुँदै आएका छन्।

प्रतिनिधिसभाको बैठक आज बस्दै गरेकोमा  बैठकमा उठ्ने विषयहरूले नीतिगत, व्यवस्थापकीय र सेवाप्रवाहका सवालमा प्रभाव पार्ने विश्वास गरिएको छ।