पोखरा,साउन ३१ । कास्की जिल्लाको रमणीय डाँडामाथि अवस्थित पुम्दीकोट अहिले धार्मिक पर्यटनको आकर्षण बनेको छ । यहाँ स्थापित विशाल महादेव (शिव)को मूर्ति आकाशबाट हेर्दा अझ भव्य र मोहक देखिन्छ ।
ड्रोनमार्फत खिचिएका दृश्यहरूले केवल मूर्तिको सौन्दर्य मात्र होइन, वरिपरिको प्राकृतिक दृश्यावलीलाई समेत उजागर गर्छन् । हरियालीले घेरिएको डाँडामाथि शान्त मुद्रामा बसेको महादेवको प्रतिमा भक्तजन र पर्यटक दुवैलाई आकर्षित गर्छ ।
ड्रोनले देखाएको दृश्यमा मूर्तिको भव्यता, पोखराको उपत्यका, फेवाताल, र टाढा हिमालहरूसँग जोडिएर प्रस्तुत हुन्छ ।
आकाशबाट खिचिएका यी दृश्यहरूले पुम्दीकोटलाई धार्मिक मात्र नभई प्राकृतिक सुन्दरताले भरिपूर्ण पर्यटन गन्तव्यका रूपमा चिनाउँछन् ।
प्रकाशित मिति: २०८२ श्रावण ३१, शनिवार १२:२४
