काठमाडौं,असोज २ । ऊर्जा, जलस्रोत तथा सिंचाई, भौतिक पूर्वाधार तथा यातायात र सहरी विकास मन्त्री कुलमान घिसिङले जलेका र भत्किएका संरचनाहरु सबैले मिलेर बनाउनपर्ने भनेर आवाह्न गरेलगतै आर्थिक सहयोग संकलन हुन थालेको छ ।
त्यसका लागि रोल्पाका तेज विक्रम ओलीले एक सय रुपैंयाँ दिएर अभियान सुरु गरेका हुन् ।
जेन–जी प्रदर्शनका क्रममा आगजनी भएको संसद भवनको निरीक्षण गर्दै मन्त्री घिसिङले क्षति भएका सबै संरचना सबैले मिलेर बनाउनुपर्ने बताएका थिए ।
उक्त अभियानलाई साथ दिँदै रोल्पाका ओलीले रु १०० दिँदै सानो हात, ठूलो साथ भन्दै एक पटकको खाजा वा मोबाइल रिचार्ज बराबरको खर्च तर यसको परिणामदेशको पुनर्निर्माण र भरोसाको पुनर्जन्म यहीँबाट हुने बताएका छन् ।
ओलीले आफ्नो सामाजिक सन्जाल फेसबुकमार्फत लेख्दै भनेका छन्:
‘एकपल्टको खाजा वा मोबाइल रिचार्ज बराबरको खर्च तर यसको परिणाम………?देशको पुनर्निर्माण र भरोसाको पुनर्जन्म यहीँबाट हुनेछ ।
आजपनी हामी पराईको हात थापेर वा मागेर पुनः निर्माण गर्ने सपना देख्छौ भने परनिर्भर र पराधिन हुनुपर्नेछ! यसर्थ हामी स्वाभिमान र आत्मनिर्भर बन्नुपर्ने बेला भएको छ।
सानो सहयोग पनि ठूलो परिवर्तनको जग हुन सक्छ।हामी तीन करोड नेपालीले हातेमालो गर्ने हो भने,देशलाई फेरि उठ्न बाट कसैले रोक्न सक्दैन।
हामीले यत्ति भन्नु पर्छ कि,
देश हामी सबैको हो, बनाउने पनि हामीले नै हो! यदि प्रत्येकले रु. १०० दियौंभने, एकैपल्टमा ३ अर्ब रुपैयाँ जुट्छ र हामी सबैको साझा लगानीमा पुनः ठडिने छ,सिंहदरबार!एउटा खाता खोल्यौ – देशको लागि।अब,एउटा सन्देश फैलाऔं – जिम्मेवारीको।एउटा कदम चालौं – आशाको।अरु ‘कोही’ होइन, हामी सबै मिलेर गर्नुपर्छ’ ।
प्रकाशित मिति: २०८२ आश्विन २, बिहिवार १५:५६
