कैलाली ,मंसिर २३ । नेपाली कांग्रेस क्षेत्रीय कार्यसमिति कैलाली–५ ले आगामी प्रतिनिधि सभा निर्वाचनका लागि उम्मेदवारको नाम सिफारिस गरेको छ।
सिफारिस गरिएका चार उम्मेदवारमा पूर्व परराष्ट्रमन्त्री तथा पार्टी केन्द्रीय सदस्य आरजु राणा देउवा, प्रदेश महामन्त्री नरनारायण शाह ‘मनु’, २०७९ सालको निर्वाचनमा सोही क्षेत्रबाट जितेका डिल्लीराज पन्त, र धनगढीका पूर्व मेयर नृपबहादुर वड छन्।
क्षेत्रीय समितिका प्रवक्ता प्रदीप पाठकले जानकारी दिए अनुसार, उम्मेदवार दर्ता प्रक्रियामा केवल चार जनाले आवेदन दिएका थिए, जसकारण सबैको नाम सिफारिस गरिएको हो।
आरजु राणा २०७४ सालको निर्वाचनमा सोही क्षेत्र ९धनगढी क्षेत्र० बाट एमालेका नारदमुनि रानासँग पराजित भएकी थिइन्। २०७९ सालको निर्वाचनमा पनि उनी सोही क्षेत्रबाट लड्ने चर्चा थियो, तर त्यसबेला समानुपातिक निर्वाचन प्रणाली रोजेकी थिइन्।
समानुपातिकतर्फ ११ जनाको नाम र राष्ट्रियसभाका लागि ३ जनाको नाम समेत सिफारिस गरिएको छ।
यो निर्णयले कैलाली–५ मा कांग्रेसको उम्मेदवार सूची अन्तिम रुप लिन सुरु भएको संकेत गर्छ।
प्रकाशित मिति: २०८२ मंसिर २४, मंगलवार १५:४७
