काठमाडौँ, पुस १४ । उज्यालो नेपाल पार्टी (ग्ल्भ्एब्) का संरक्षक कुलमान घिसिङ पुनः राष्ट्रिय स्वतन्त्र पार्टी (रास्वपा) सँग छलफल का लागि सक्रिय भएका छन्। पछिल्लोपटक भएका वार्ता निष्कर्षविहीन रहँदा पार्टी एकता र राजनीतिक सहकार्यमा कुनै प्रगति हुन सकेको थिएन।
ग्ल्भ्एब् का एक नेताका अनुसार, “कुलमान घिसिङ अहिले फेरि छलफलका लागि रास्वपासँग पुगेका छन्। उद्देश्य भनेको आगामी प्रतिनिधि सभा निर्वाचनअघि समानुपातिक उम्मेदवारको भागबन्डा र समग्र राजनीतिक सहकार्यलाई सुनिश्चित गर्नु हो।”
पछिल्ला छलफलहरूमा उज्यालो नेपाल पार्टीले आफ्नो उपसभापति सहितको सम्मानजनक हिस्सेदारीको माग गरेको थियो। तर, रास्वपाले १५ प्रतिशतभन्दा बढी हिस्सेदारी दिन नसक्ने अडान राखेपछि वार्ता निष्कर्षमा पुग्न सकेको थिएन। यसले गर्दा राजनीतिक एकता असफल भएको थियो र अब कुलमान घिसिङ पुनः छलफलका लागि अग्रसर भएका हुन्।
विशेषज्ञहरूका अनुसार, कुलमान र रास्वपाबीचको यो संवादले मधेस क्षेत्रको निर्वाचन रणनीति र समानुपातिक उम्मेदवारको सूची निर्धारणमा महत्वपूर्ण भूमिका खेल्नेछ। दुवै पक्षले आपसी समझदारीबाट अघि बढ्न सक्ने भएमा पार्टी एकता र संयुक्त चुनावी अभियान सम्भव हुनेछ।
यसअघि उज्यालो नेपाल पार्टीले समानुपातिक उम्मेदवारको सूची तयार गर्न गृहकार्य सुरु गरिसकेको छ। तर, रास्वपासँगको वार्ता सकारात्मक नतिजा दिन सके आगामी कदम निर्णायक हुने विश्लेषकहरूले बताएका छन्।
पार्टी एकता र समानुपातिक रणनीति अन्तिम रूप दिने यो प्रक्रिया आगामी निर्वाचनको परिणाममा सिधा प्रभाव पार्ने अपेक्षा गरिएको छ।
प्रकाशित मिति: २०८२ पुष १५, सोमवार १६:४१
