काठमाडौं , पुस  २० । राष्ट्रिय स्वतन्त्र पार्टी (रास्वपा) केन्द्रीय सचिवालय को बैठक शुक्रबार पार्टी केन्द्रीय कार्यालय, बनस्थली मा सुरु भएको छ। बैठकको जानकारी पार्टी प्रवक्ता मनिष झाले ले दिनुभयो।

बैठकमा पार्टी समायोजन प्रक्रिया र आगामी निर्वाचनसँग सम्बन्धित विषयमा छलफल भइरहेको छ। यस बैठकको विशेषता भनेको सभापति रवि लामिछानेको जेलबाट रिहा भएपछि पहिलो सचिवालय बैठक हुनु हो।

लामिछाने पुस ४ गते रिहा भएका थिए। उच्च अदालत बुटवलले धरौटीमा रिहा हुने आदेश जारी गरेपछि उनी कागजी प्रक्रिया पूरा गरी कारागारबाट छुटेका हुन्। सुरुमा उनलाई रुपन्देही कारागारमा राखिएको थियो, तर लामिछानेको अनुरोधमा ललितपुरस्थित नख्खु कारागार मा सरुवा गरिएको थियो।

रिहाइको शर्तअनुसार उनले २ करोड ७४ लाख ८४ हजार रुपैयाँ बिगोबापत बुझाएका थिए।

बैठकमा लामिछानेले पार्टी नेतृत्व र कार्यसम्पादनको समीक्षा गर्दै आगामी रणनीति तय गर्ने अपेक्षा गरिएको छ। पार्टीका नेताहरूका अनुसार, सचिवालय बैठकले संगठन विस्तार, निर्वाचन तयारी र क्षेत्रीय समायोजनका विषयमा ठोस निर्णय लिन सहयोग गर्नेछ।

विश्लेषकहरूले लामिछानेको उपस्थितिले पार्टी भित्रको तालमेल र नेतृत्व एकता थप मजबुत हुने विश्वास व्यक्त गरेका छन्। यससँगै पार्टीका पदाधिकारी र कार्यकर्ताबीच आगामी चुनावमा समान रणनीतिको विकासमा पनि सकारात्मक प्रभाव पर्ने देखिन्छ।

बैठकपछि पार्टीले प्रेस विज्ञप्ति जारी गर्दै, सचिवालय बैठकमा लिएका निर्णय र आगामी कार्यक्रमको विवरण सार्वजनिक गर्ने तयारीमा रहेको जनाइएको छ।