काठमाडौं , पुस २२  । नेकपा (एमाले)को चुनावी कमान्डर को जिम्मेवारी उपाध्यक्ष रामबहादुर थापा ‘बादल’लाई तोकिएको छ। मंगलबार बसेको सचिवालय बैठकले उनलाई चुनाव परिचालक कमिटीको संयोजक बनाउने निर्णय गरेको उपमहासचिव लेखराज भट्टले जानकारी दिएका छन्।

भट्टका अनुसार, चुनाव परिचालक समितिमा छविलाल विश्वकर्मा, राजन भट्टराई, हिक्मतकुमार कार्की, विष्णु रिमाल, रमेश बडाल र भीष्म अधिकारी सदस्य रहेका छन्। समितिले पार्टीको आगामी निर्वाचन अभियान सञ्चालन, मतदान व्यवस्थापन, प्रचार–प्रसार र क्षेत्रीय समन्वयको जिम्मेवारी सम्हाल्नेछ।

उपमहासचिव भट्टले भने, “बादलको नेतृत्वमा परिचालक समितिले पार्टीको निर्वाचन तयारीलाई थप सुदृढ पार्नेछ। दलीय कार्यकर्ताहरूलाई प्रशिक्षण र समन्वय गरेर अभियानलाई प्रभावकारी बनाउने मुख्य जिम्मेवारी समितीको हुनेछ।”

एमालेले आगामी निर्वाचनमा आफ्नो उपस्थितिलाई प्रभावकारी बनाउन र सशक्त रणनीति निर्माणका लागि चुनावी परिचालन समिति गठन गरेको हो। यस समितिले निर्वाचन अघि पार्टीका क्षेत्रीय र स्थानीय तहका कमान्डरहरूसँग समन्वय गरी रणनीति तयार गर्ने बताइएको छ।

स्रोतका अनुसार, समितीले निर्वाचनको सम्पूर्ण तयारी र कार्यगत रिपोर्ट पार्टी नेतृत्वलाई नियमित उपलब्ध गराउनेछ। यसले पार्टीको चुनावी अभियानलाई थप व्यवस्थित र मजबुत बनाउने विश्वास नेताहरूले व्यक्त गरेका छन्।

पार्टी सचिवालयले आगामी निर्वाचनमा गठबन्धन र स्वतन्त्र उम्मेदवारहरूको व्यवस्थापनसमेत समितीमार्फत समन्वय गर्ने निर्णय गरेको छ। यस कदमले एमालेको रणनीति केन्द्रित हुने र चुनावी तयारीलाई प्रभावकारी बनाउने अपेक्षा गरिएको छ।