काठमाडौं, पुस २८। नेपाली कांग्रेसका वरिष्ठ नेता डा. शेखर कोइरालाले पार्टीभित्रको विभाजन रोक्न दुवै पक्षसँग सक्रिय संवाद सुरु गरेका छन्। आज बिहान बालुवाटारस्थित निवासमा कोइरालाले आफ्ना निकट पदाधिकारी, केन्द्रीय सदस्य, जिल्ला सभापति, कानुन व्यवसायी लगायतसँग बैठक गर्दै पार्टी एकताको रणनीति तय गरेका छन्।
यस बैठकमा उपसभापति धनराज गुरुङ र नेता डा। मिनेन्द्र रिजाल पनि सहभागी थिए। अब उनीहरू सभापति शेरबहादुर देउवा, कार्यवाहक सभापति पूर्णबहादुर खड्का र महामन्त्रीद्वयसँग वार्ताका लागि जिम्मा पाएका छन्। पार्टी फुट्न नदिन ठोस निकास निकाल्न नेताहरूले पहल सुरु गरेका हुन्।
हिजो भृकुटीमण्डपमा भएको उद्घाटन सत्रमा सहभागी नेताहरू पनि शेखरलाई भेट्न बालुवाटार पुगेका थिए। उपसभापति धनराज गुरुङ, सहमहामन्त्री बद्री पाण्डे र जीवन परियार, सुनिल शर्मा, चतुरबहादुर चन्दलगायतका नेताहरू शेखरको पहलमा सँगै थिए।
महाधिवेशनको बन्दसत्र सुरु भइसकेको अवस्थामा पार्टी नेतृत्वले यथासम्भव सबै पक्षसँग संवाद गरी समाधान खोज्ने तयारी गरेको छ। शेखरले भने, “सबैसँग अन्तिमसम्म प्रयास गर्छु।” उनका अनुसार, पार्टी एकता र संगठन सुदृढीकरण सर्वोच्च प्राथमिकता हो।
सभापति र महामन्त्रीहरूले पनि पार्टी फुट्न नदिने दृढता जनाउँदै, नेताहरूलाई वार्ताका लागि पूर्ण समर्थन गरेका छन्। पार्टीभित्रको विभिन्न धाराहरूबीच समन्वय गर्न शेखरको पहल निर्णायक मानिएको छ।
प्रकाशित मिति: २०८२ पुष २९, सोमवार १२:३६
