काठमाडौं , माद्य ७ । नेपाली कांग्रेसले २१ फागुनमा हुने प्रतिनिधि सभा निर्वाचनको तयारीका लागि काठमाडौंमा उपलब्ध केन्द्रीय नेताहरूको बैठक बस्ने भएको छ। पार्टी प्रवक्ता देवराज चालिसेका अनुसार सभापति गगनकुमार थापा लगायत उपलब्ध पदाधिकारी र नेताहरू यस बैठकमा सहभागी हुनेछन्।
प्रवक्ता चालिसेले बताए अनुसार, बैठकमा आसन्न निर्वाचनलाई दृष्टिगत गर्दै रणनीतिक विषयमा छलफल गरिनेछ। ‘निर्वाचनको तयारी सहितका रणनीतिक विषयमा छलफल गर्न बैठक बस्न लागेका हौं। उपलब्ध पदाधिकारी तथा केन्द्रीय साथीहरू बस्छौं। दिउँसो तिर बस्ने बैठकको स्थान र समय भने एकैछिनमा टुंगो लाग्छ,’ उनले भने।
हालै पार्टीका उम्मेदवारले निर्वाचनका लागि मनोनयन दर्ता गरिसकेका छन्। तर, आगामी चुनावमा आवश्यक प्राविधिक तयारी, आन्तरिक समन्वय र रणनीतिक निर्णय लिन कांग्रेस यस बैठकमा जुट्नेछ।
विश्लेषकहरूका अनुसार, चुनावी रणनीतिको स्पष्टता र केन्द्रबाटको समन्वय कांग्रेसको प्रतिस्पर्धात्मक क्षमता बढाउन महत्वपूर्ण रहनेछ।
प्रकाशित मिति: २०८२ माघ ८, बुधवार १३:३४
