एजेन्सी, माघ २१ । लीबियाका पूर्व तानाशाह मुअम्मर गद्दाफीका छोरा सैफ अल-इस्लाम गद्दाफीलाई पश्चिमी लीबियाको जिंतानमा रहेको उनको आवासमा गोली हानी हत्या गरिएको छ।

घटना मंगलवार दिउँसो घटेको थियो। चार नकाबधारी बन्दूकधारीले सैफको घरमा हमला गरे। हमलावरहरूले पहिलो चरणमा घरका सुरक्षा क्यामेरा नष्ट गरेका थिए र त्यसपछि सैफलाई सिधै गोली हानी मारिदिएका थिए। सैफको राजनीतिक टोलीले यसलाई ूकायरतापूर्ण र विश्वासघाती हत्याू भनेर वर्णन गरेको छ।

उनका राजनीतिक टीमका सदस्य अब्दुल्लाह ओथमान अब्दुर्रहीमले फेसबुकमार्फत जानकारी दिँदै घटनाको पुष्टि गरेका छन्। टोलीले लीबियाई न्यायपालिका र अन्तर्राष्ट्रिय समुदायसँग माग गरेको छ कि यस घटनाको गहिरो अनुसन्धान होस्, हमलावरको पहिचान होस् र योजनाकारलाई दण्ड दिइयोस्। टोलीको दाबी छ कि यो केवल एक व्यक्तिको हत्या नभई ठूलो षड्यंत्रको हिस्सा हुनसक्छ।

त्रिपोली र जिंतानका स्थानीय अधिकारीहरूले अहिलेसम्म यस घटनाको आधिकारिक पुष्टि गरेका छैनन्। तर लीबियाई मिडिया र अन्तर्राष्ट्रिय समाचार एजेन्सीहरूले सैफको मृत्युको समाचार प्रकाशित गरेका छन्। घटनाको प्रारम्भिक अनुसन्धान जारी छ र हमलावर फरार रहेका छन्।

२०११ मा नाटो समर्थित विद्रोहपछि मुअम्मर गद्दाफीको हत्या भएको थियो। त्यतिबेला सैफ अल(इस्लामलाई उनका पिताको सम्भावित उत्तराधिकारी मानिन्थ्यो। सैफ विद्रोहको क्रममा पनि सक्रिय थिए र लीबियाको राजनीति मा प्रभावशाली भूमिका खेल्दै आएका थिए।

विद्रोहपछि उनलाई जिंतानमा कैद गरियो र धेरै वर्षपछि २०१८ मा रिहा गरिएको थियो। त्यसपछि उनी जिंतानमै बस्दै आएका थिए। २०२१ मा उनले राष्ट्रपति चुनावमा भाग लिन खोजेका थिए, तर विवादका कारण चुनाव प्रक्रिया रोकिएको थियो।

सैफ अल(इस्लाम लीबियामा ध्रुवीकरण गर्ने व्यक्तित्वको रूपमा चिनिन्थे। केहीले उनलाई गद्दाफी युगको प्रतीक मान्थे भने केही उनका विरोधी थिए।