एजेन्सी, फागुन १७ । अमेरिकी र इजरायली सेनाले संयुक्त रुपमा गरेको हवाई हमलामा इरानका सर्वोच्च नेता आयतुल्लाह अली खामेनेईको मृत्यु भएको इरानी सरकारी मिडियाले पुष्टि गरेको छ। घटनापछि इरान सरकारले ४० दिनको राष्ट्रिय शोक र सात दिनको सार्वजनिक बिदा घोषणा गरेको छ।
यो हमला २८ फेब्रुअरीको बिहान खामेनेईको आवास र कार्यालयलाई लक्षित गरेर गरिएको थियो। अमेरिकी राष्ट्रपति डोनाल्ड ट्रम्पले यसलाई “विशाल संयुक्त अभियान” भएको र यसको उद्देश्य इरानी सैन्य क्षमता र नेतृत्वलाई समाप्त गर्नु रहेको बताएका छन्। इजरायलका प्रधानमन्त्री नेतन्याहूले पनि खामेनेईको मृत्यु भएको पुष्टि गरेका छन्।
प्रारम्भमा इरानी अधिकारीहरूले खामेनेईको मृत्युको खबर अस्वीकार गरेका थिए। तर पछि सरकारी समाचार एजेन्सीहरूले पुष्टि गर्दै ८६ वर्षीय नेता “शहीद” भएको जनाएको छ। इजरायली अधिकारीहरूका अनुसार, भग्नावशेषबाट उनको शव फेला परेको छ।
ट्रम्पले सामाजिक सञ्जालमार्फत खामेनेईलाई इतिहासकै “सबैभन्दा खराब नेताहरूमध्ये एक” भनेका छन्। उनले लेखेका छन्, “उच्च प्रविधि र इंटेलिजेन्स प्रणालीले उनलाई रोक्न सकेन, इजरायलसँग मिलेर पनि उनी र उनका केही अन्य नेता जोगिन सकेनन्। यो इरानी जनताका लागि देश फिर्ता ल्याउने ठूलो अवसर हो।”
अमेरिका र इजरायलले अब इरानमा व्यापक निगरानी र सुरक्षा व्यवस्थाहरूको तयारी गर्दै आएको ट्रम्पले बताए। उनका अनुसार आइआरजीसी, सैन्य र प्रहरी शक्तिहरू अब शान्तिपूर्ण रूपमा देशभक्तसँग सहकार्य गर्न इच्छुक छन्।
इरानमा खामेनेईको मृत्युपछि स्थिति तनावपूर्ण भए पनि, अमेरिकी–इजरायली नेतृत्वले मध्यपूर्वमा शान्ति स्थापनाका लागि जारी रणनीतिक कदमहरू लिने चेतावनी दिएका छन्।
प्रकाशित मिति: २०८२ फाल्गुन १७, आईतवार ०९:०१
