जनकपुरधाम, फागुन २८ । निर्वाचन आयोग नेपाल ले धनुषा-१ को प्रतिनिधि सभा निर्वाचन परिणाम अद्यावधिक गर्दै मातृका यादव लाई निर्वाचित भएको मान्यता दिएको छ।
आयोगले आफ्नो वेबसाइटमा सार्वजनिक गरेको विवरण अनुसार यादवले १० हजार ४३० मत प्राप्त गरेका छन्। उनका निकटतम प्रतिद्वन्द्वी सम्पलटन साह ले ९ हजार ५०२ मत प्राप्त गरेका छन् भने रामचन्द्र मण्डल ले ९ हजार ३१५ मत ल्याएका छन्।
यस क्षेत्रमा किशोरी साह ले बढी मत प्राप्त गरे पनि उनी कर्जा सूचना केन्द्रको कालोसूचीमा परेको कारण उम्मेदवारी खारेज गरिएको थियो। सोही कारण आयोगले केही समयसम्म आधिकारिक नतिजा सार्वजनिक गर्न ढिलाइ गरेको थियो।
पछि दोस्रो धेरै मत प्राप्त गरेका मातृका यादवलाई विजेता घोषणा गर्दै आयोगले प्रमाणपत्र प्रदान गरेको हो।
यता आयोगको निर्णय पुनरावलोकनको माग गर्दै किशोरी साहले सर्वोच्च अदालत नेपाल मा रिट दायर गरेका छन्। उक्त रिटमाथि सुनुवाइ गर्दै सर्वोच्च अदालतले दुवै पक्षलाई छलफलका लागि बोलाएको छ।
प्रकाशित मिति: २०८२ फाल्गुन २८, बिहीबार १३:२३
