मोरङ, वैशाख ९ । नेपाली कांग्रेसका सभापति गगन थापाले १५औँ महाधिवेशनलाई सफल बनाउन सबै पक्षलाई साथमा लिएर अघि बढ्ने बताएका छन ।
विराटनगर विमान स्थलमा सञ्चारकर्मीहरूसँग कुरा गर्दै उनले महाधिवेशन सफल बनाउन पार्टीभित्रका सबै नेता–कार्यकर्तासँग निरन्तर संवाद भइरहेको जानकारी दिए ।
उनले नेपाली कांगे्रस संघीय संसदमा प्रतिपक्षमा रहे पनि सातै प्रदेश र स्थानीय तहमा अग्र स्थानमा रहेको उल्लेख गर्दै पार्टीमाथि ठूलो जिम्मेवारी आएको बताए ।
थापाले पार्टीको केन्द्रीय समितिको निर्णयअनुसार वर्तमान सरकारसँग सुशासन कायम गर्ने, संविधान कार्यान्वयन गर्ने तथा जनतासँग सम्बन्धित मुद्दामा सहकार्य गर्ने नीति रहेको स्पष्ट पारेका छन ।
प्रकाशित मिति: २०८३ बैशाख ९, बुधबार १३:३८
