काठमाडौं, वैशाख १० । सरकारले संसद् अधिवेशन स्थगित गर्न गरेको सिफारिस अनुसार राष्ट्रपति कार्यालयले आवश्यक निर्णय गरेको छ ।
बिहीबार बसेको मन्त्रिपरिषद् बैठकले संसद् अधिवेशन स्थगन गर्न राष्ट्रपति कार्यालयमा सिफारिस पठाएको थियो । सोही सिफारिससहितको पत्र केहीबेरअघि शीतलनिवास पुगेको राष्ट्रपति कार्यालय स्रोतले जनाएको छ ।
राष्ट्रपति रामचन्द्र पौडेलले सरकारको सिफारिसअनुसार नै संसद् अधिवेशन स्थगन गर्ने निर्णय गरेको स्रोतको भनाइ छ । “सिफारिस पत्रमा जे उल्लेख थियो, सोही अनुसार निर्णय भएको हो,” स्रोतले जानकारी दिएको छ ।
यसअघि मन्त्रिपरिषद्को सिफारिसअनुसार राष्ट्रपति पौडेलले वैशाख १७ गते बिहीबार दिउँसो २ बजेका लागि दुवै सदनको अधिवेशन आह्वान गरेका थिए ।
प्रकाशित मिति: २०८३ बैशाख १०, बिहीबार १७:३७
