एजेन्सी, वैशाख १५ । भारतको प्रतिष्ठित जवाहरलाल नेहरू विश्वविद्यालय (जेएनयू) नयाँ दिल्लीमा लगातार दोस्रो पटक एक बिहारी विद्यार्थीले विद्यार्थी संघको अध्यक्ष पद जितेका छन ्। आइतबार अबेर राति भएको जेएनयू विद्यार्थी संघको चुनावमा सामान्य किसान परिवारका नीतीश कुमार यादवले शानदार जित हासिल गरेका छन्।

नीतीश अररिया जिल्लाको बडगाउँ जिल्लाको शेखपुरा गाउँका बासिन्दा हुन्। उनका बुबा प्रदीप कुमार यादव किसान हुन् भने उनकी आमा गृहणी हुन ्।

नीतीशको प्रारम्भिक शिक्षा विद्या भारतीद्वारा सञ्चालित फर्बिसगंजको सरस्वती शिशु मन्दिरमा भएको थियो, जहाँ उनले कक्षा ४ देखि १० सम्म अध्ययन गरे। त्यसपछि, उनले पूर्णियामा आफ्नो मध्यवर्ती अध्ययन गरे। २०२१ मा बनारस हिन्दू विश्वविद्यालय बाट स्नातक गरेपछि, नीतीशले जेएनयुमा भर्ना भएका थिए ।

उनी हाल सामाजिक विज्ञान स्कूलको राजनीतिक अध्ययन केन्द्रमा विद्यावारिधि गरिरहेका छन्। जेएनयूमा प्रवेश गरेसँगै, नीतीश सीसीपी (माले) सँग सम्बद्ध विद्यार्थी संगठन अखिल भारतीय विद्यार्थी संघ (एआईएसए) मा सामेल भए।
जेएनयूमा सामेल भएदेखि नै नीतीश विद्यार्थी मुद्दाहरूमा सक्रिय छन्। उनले जेएनयू पुनः खोल्ने आन्दोलनमा महत्त्वपूर्ण भूमिका खेले, जसले छात्रावास, अफलाइन कक्षा र पहुँचयोग्य शिक्षाको माग ग¥यो। पहिलो वर्षमा, उनीहरू विद्यार्थी महासंघ परिषद्का प्रतिनिधि निर्वाचित भएका थिए ।

यसपटक जेएनयू विद्यार्थी संघको चुनावमा संयुक्त वामपन्थी प्यानलबाट नीतीश अध्यक्ष पदका उम्मेदवार थिए। उनको मुख्य प्रतिद्वन्द्वी अखिल भारतीय विद्यार्थी परिषद थियो जसको नेतृत्व स्वराज थियो। नीतीशले शिखालाई २७२ मतले पराजित गरेका छन । उनले कुल १,७०२ मत प्राप्त गरेका छन ।