एजेन्सी
पटना, साउन ३० । विपक्षी महागठन्धनले आयोजन गर्न लागेको मताधिकार यात्राको तयारीमा काँग्रेस कार्यकर्ताहरुले पुरा शक्ति लगाएका छन ।
काँग्रेस नेता राहुल गान्धी आगामी १७ अगस्टमा आफ्नो मताधिकार यात्राको नेतृत्व गर्न औरंगाबाद आउने भएपछि काँग्रेस कार्यकर्ताहरुले मताधिकार यात्राको तैयारी पुरा शक्ति लगाएका छन ।
विपक्षी नेता गान्धी औरंगावादको रमेश चौकमा कार्यकर्तासँग भेटघाट गरेपछि उनी कुटुम्बा प्रखण्डको बभन्डीह खेल मैदानमा राति विश्राम गर्ने कार्यक्रम रहेको छ । यस अवसरमा बिहार विधानसभा प्रतिपक्षका नेता तेजस्वी यादव पनि उनीसँग रहनेछन्।
यात्रालाई सफल बनाउन काँग्रेस कार्यकर्ता तथा युवा काँग्रेसका नेताहरूले म्याराथन बैठकहरूमा जुटेका छन ।
कार्यक्रमको जिम्मा औरंगाबादका सांसद अभय कुशवाहाले लिएका छन् भने छत्तीसगढबाट आएका युवा काँग्रेसका प्रभारी पुनीत सिंह पारिया लगातार रणनीति तयार गरिरहेका छन्। पारियाका अनुसार, राहुल गान्धी ती मतदातासँग प्रत्यक्ष संवाद गर्नेछन्, जसका नाम विशेष गहिरो मतदाता पुनरीक्षण प्रक्रियामा मतदाता सूचीबाट हटाइएका छन्। यससँगै, उनी स्थानीय समस्याहरू र जनचासोका विषयमा पनि छलफल गर्नेछन्।
युवा काँग्रेस जिल्ला अध्यक्ष धर्मेन्द्र पासवान, कुटुम्बा विधानसभा प्रभारी अजय तिवारी, पूर्व जिल्ला अध्यक्ष अभिजित कुमार सिंहसहितका नेताहरू गाउँ र शहर दुवै क्षेत्रमा युवासँग सम्पर्क गर्दै यात्रामा अधिकतम भीड जुटाउने अभियान सञ्चालन गरिरहेका छन्।
पुनीत सिंह पारियाले आरोप लगाए एसआइआरको नाममा देशभर करोडौँ मतदाताको नाम मतदाता सूचीबाट हटाइँदैछ। रोजगारीका लागि पलायन गर्नेहरूलाई अनुपस्थित देखाएर उनीहरूको मताधिकार खोसिने काम भइरहेको छ, र यसका पछाडि भाजपा संलग्न छ। यही कारणले काँग्रेसले यसलाई राष्ट्रिय आन्दोलनको रूपमा अघि बढाउँदै ‘मताधिकार यात्रा’ सुरु गरेको हो।
यात्राको सुरुवात १७ अगस्टमा रोहतासको सासारामबाट हुनेछ। त्यसपछि यो डेहरी र बारुण हुँदै औरंगाबाद पुग्नेछ। १८ अगस्टको बिहान राहुल गान्धी अम्बा बजार, देव, मदनपुर र रफीगञ्ज हुँदै गयाजीका लागि प्रस्थान गर्ने कार्यक्रम छ।
राजनीतिक विश्लेषकहरूका अनुसार, यो यात्रा केवल मतदाता अधिकारका मुद्दामा मात्र नभई २०२५ को बिहार विधानसभा चुनावका लागि काँग्रेस–आरजेडी गठबन्धनको जनसमर्थन बलियो बनाउने रणनीतिको हिस्सा पनि हो। काँग्रेस कार्यकर्ताले यसलाई ऐतिहासिक जनआन्दोलनको रूपमा स्थापित गर्ने लक्ष्य लिएका छन्
प्रकाशित मिति: २०८२ श्रावण ३०, शुक्रवार ०८:३५
