जनकपुरधाम, भदौ ५ । सरकारको योजनामा जसपा नेपालका अध्यक्ष उपेन्द्र यादवलाई गौर काण्डमा फँसाउन खोजेको भन्दै विरोधमा उत्रेको नेता कार्यकर्ताले आन्दोलनलाई चौथो दिन पनि निरन्तरता दिएको छ ।
गौर काण्डको विषयमा सर्वाेच्च अदालतले छानविन गर्न परमादेश जारी गरे लगतै आक्रोशित भएका जसपा नेपालका नेता कार्यकर्ताहरु काठमाडौं देखी मधेशका जिल्लाहरुमा आन्दोलनलाई निरन्तरता दिएको छ ।
समाजवादी महिला संघको आयोजनामा जसपा नेपालका नेता कार्यकर्ताहरुले काठमाडौंमा प्रदर्शन गरेको छ ।
भूमि विधेयकमा जसपा नेपालका अध्यक्ष उपेन्द्र यादवले असहयोग गरेकै कारण उनलाई फँसाउन खोजेको भन्दै नेता कार्यकर्ताहरुले सरकार विरुद्ध नारावाजी गरेको छ ।
त्यसै मधेशको राजधानी जनकपुर, विरगंज, सिरहा, सप्तरी सहितको जिल्लाहरुमा समेत जसपा नेपालका नेता कार्यकर्ताहरुले विरोध प्रदर्शन गरेको छ ।
प्रकाशित मिति: २०८२ भाद्र ५, बिहीबार १८:३८
