चितवन — बाघले आक्रमण गर्दा चितवनमा एकजनाकाे निधन भएकाे छ । आइतबार बिहान घाँस काट्न कुमराेज मध्यवर्ती सामुदायिक वनमा गएका खैरहनी नगरपालिका-१३ बैरियाका ६५ वर्षीय नारायण दाहालकाे बाघले आक्रमण गर्दा निधन भएकाे चितवन प्रहरीले जनाएकाे छ ।
राप्ती घाँसे मैदानमा घाँस काट्दै गर्दा दाहाललाई बाघले आक्रमण गरेको छ भन्ने खबर प्राप्त भएपछि खाेजीका लागि प्रहरी, राष्ट्रिय निकुञ्ज र नेपाली सेनाकाे टाेली हात्तीसहित जंगल छिरेको थियाे ।
दाहालकाे शव बाघले आक्रमण गरेको ठाउँभन्दा अन्दाजी १ किलोमिटर पर बिहान १० बजे तिर फेला परेकाे चितवन प्रहरीका प्रवक्ता डीएसपी नरहरि अधिकारीले बताए ।
प्रकाशित मिति: २०७९ बैशाख १८, आईतवार १६:४१
