एजेन्सी, वैशाख १४ । दक्षिणी इरानको होर्मोज्गान प्रान्त स्थित बन्दर अब्बास शहरको शाहिद राजाई बन्दरगाहमा शनिबार भएको ठूलो विस्फोटमा कम्तीमा १८ जनाको मृत्यु भएको छ भने ७५० भन्दा बढी घाइते भएका छन्।
विस्फोट मिसाइल प्रोपेलेन्ट बनाउन प्रयोग हुने रसायनको ढुवानीसँग जोडिएको विश्वास गरिएको छ। तर, इरानमा कसैले पनि यो विस्फोट कुनै आक्रमणका कारण भएको भनेर स्पष्ट गरेका छैनन् ।
विस्फोटबाट आकाशमा धुवाँको ठूलो मुस्लो फैलिनु साथै वरपरका भवनहरू र कारहरूमा ठूलो क्षति पुगेको थियो । तेहरानको द्रुत गतिमा अगाडि बढिरहेको आणविक कार्यक्रममा तेस्रो चरणको वार्ताका लागि इरानी र अमेरिकी अधिकारीहरू ओमानमा भेटिरहेका बेला शनिबार विस्फोट भएको छ ।
यद्यपि, वार्ताको नेतृत्व गरिरहेका इरानी विदेशमन्त्री अब्बास अराघचीले पनि बुधबार स्वीकार गरेका छन कि “अघिल्ला उदाहरणहरूलाई ध्यानमा राख्दै, हाम्रा सुरक्षा सेवाहरू उच्च सतर्कतामा छन्।“
यद्यपि, घाइतेहरूलाई नजिकैको स्वास्थ्य केन्द्रहरूमा स्थानान्तरण गरिएको छ । छिमेकी फार्स प्रान्तको राजधानी शिराजमा रहेको ९० शैयाको अस्पताल पनि यस घटनामा सम्भावित घाइतेहरूलाई भर्ना गर्न तयार पारिएको छ।
बन्दर अब्बासस्थित चिनियाँ दूतावासका अनुसार विस्फोटमा तीन चिनियाँ नागरिक सामान्य घाइते भएका छन्। स्वास्थ्य उपचार पछि, तिनीहरू अहिले राम्रो अवस्थामा छन्।
प्रकाशित मिति: २०८२ बैशाख १४, आइतवार ०७:४२
