चितवन, असार ३२ । चितवन स्थित भरतपुर अस्पतालको सेफ्टिक ट्यांकीमा खसेकी एक बालिकाको मृत्यु भएको छ ।
असार ३० गते दिउँसो करीब ४ बजेतिर अस्पतालको सी ब्लक नजिकै रहेको सेफ्टिक ट्यांकीमा खसेकी पाँच वर्षीया अन्जना मगरको उपचारको क्रममा मंगलबार साँझ मृत्यु भएको हो ।
अन्जना भरतपुर अस्पतालमा कार्यरत कर्मचारी विकास मगरकी छोरी हुन् । उनको आईसीयूमा राखेर उपचार भइरहेको थियो ।
अस्पतालको सी ब्लक नजिकै रहेको सेफ्टिक ट्यांकी निकै ठूलो छ । त्यसको ढकनीको भागबाट खेल्दै जाने क्रममा पाँच वर्षीया अन्जना खसेकी थिइन् ।
प्रकाशित मिति: २०८२ असार ३२, बुधबार ०७:५९
