स्वस्थ जीवनशैली अपनाउने बानीमा साना परिवर्तनहरूले ठूलो प्रभाव पार्न सक्छ। त्यसमध्ये एक महत्वपूर्ण र सस्तो उपाय हो — अंकुरित चना (Sprouted Chickpeas) को नियमित सेवन। प्राचीन आयुर्वेददेखि आधुनिक पोषण विज्ञानसम्म अंकुरित चनालाई स्वस्थ आहारको रूपमा मान्यता दिइएको छ। सस्तो, सुलभ र पोषणले भरिपूर्ण अंकुरित चना आजको दौडधुपको जीवनमा एक उत्तम आहार विकल्प हो।

पोषण तत्वको खानी

अंकुरित चना प्रोटिन, फाइबर, भिटामिन B, C, आइरन, म्याग्नेसियम, फस्फोरस, पोटासियम जस्ता तत्वहरूले भरिएको हुन्छ। चना अंकुरिएपछि यसको पोषक तत्वको मात्रा दोब्बर हुन्छ। विशेषगरी, अंकुरित अवस्थामा भिटामिन C को मात्रा उल्लेख्य रूपमा बढ्छ, जसले शरीरको रोग प्रतिरोधात्मक क्षमतालाई बलियो बनाउँछ।

पाचन प्रणालीको सुधार

अंकुरित चनामा रहेको उच्च मात्राको डायटरी फाइबर ले पाचन प्रणालीलाई दुरुस्त राख्छ। कब्जियत, अपच वा ग्यासको समस्या हुने व्यक्तिहरूका लागि यो एक प्राकृतिक उपचार जस्तै हो। यसले पेट सफा गर्न र मल त्याग नियमित गर्न सहयोग गर्छ।

मधुमेह र रक्तचाप नियन्त्रण

अंकुरित चनाको ग्लाइसेमिक इन्डेक्स कम हुने भएकाले यो मधुमेहका बिरामीहरूका लागि निकै लाभदायक मानिन्छ। यसले रक्तमा चिनीको मात्रा विस्तारै बढाउँछ, जसले इन्सुलिन सन्तुलनमा मद्दत गर्छ। साथै, यसमा रहेको पोटासियमले उच्च रक्तचाप नियन्त्रणमा पनि सहयोग पुर्‍याउँछ।

ऊर्जा र मानसिक तन्दुरुस्ती

प्रोटिन, आइरन र भिटामिन B का स्रोत भएकोले अंकुरित चनाले शरीरलाई दीर्घकालीन ऊर्जा प्रदान गर्छ। विशेषगरी विद्यार्थी, शारीरिक श्रम गर्ने व्यक्ति तथा वृद्धहरूको लागि दैनिक बिहान खाली पेट अंकुरित चना सेवन गर्नु फाइदाजनक हुन्छ। यसले मानसिक स्पष्टता, एकाग्रता र स्मरणशक्ति बढाउन पनि सहयोग पुर्‍याउँछ।

तौल नियन्त्रण र सौन्दर्य लाभ

अंकुरित चना कम क्यालोरी तर उच्च प्रोटिनयुक्त हुने भएकाले तौल घटाउने लक्ष्य राख्नेहरूको लागि उपयुक्त खाद्य हो। यसले पेट भरिएको महसुस गराउँछ, जसले अनावश्यक खानाको इच्छा घटाउँछ। यसमा रहेको एन्टिअक्सिडेन्टले छालालाई चम्किलो, स्वस्थ र जवान देखाउन मद्दत गर्छ।

कसरी खाने?

• बिहान खाली पेट एक गिलास मनतातो पानीसहित १ मुट्ठी अंकुरित चना

• सलादमा मिसाएर

• नुन, कागती र प्याज मिसाएर स्वादिष्ट झोल वा चटनीसँग

• दाल वा तरकारीमा पकाएर पनि सेवन गर्न सकिन्छ

अंकुरित चना स्वास्थ्यको लागि सस्तो, पौष्टिक र प्राकृतिक टॉनिक हो। दिनको थोरै समय दिएर चना भिजाउने, अंकुराउने र नियमित खाने बानीले जीवनमा ठूलो परिवर्तन ल्याउन सक्छ। विशेषतः मधेश, तराई र ग्रामीण क्षेत्रमा पाइने सस्तो चनाले रोग प्रतिरोधदेखि तौल नियन्त्रणसम्मको उपाय प्रदान गर्न सक्छ।