एजेन्सी, मंसिर ८ । भारतीय रक्षामन्त्री राजनाथ सिंहले पाकिस्ताको सिंध प्रान्त भारतको हिस्सा बन्न सक्ने ठुलो बयान दिएका छन । एक सार्वजनिक कार्यक्रममा उनले भने ,‘ आज भलै सिंध क्षेत्र पाकिस्तानमा होस्, तर भविष्यमा सीमाहरू फेरिन सक्छन् र यो क्षेत्र फेरि भारतको हिस्सा बन्न सक्ने सम्भावना छ।’
सिंध प्रान्त १९४७ को विभाजनपछि पाकिस्तानमा गइसकेको थियो। त्यहाँ बसोबास गर्ने धेरै सिंधीहरू भारतमा बसाइँसरेका थिए। सिंहले भने कि सिंधी हिन्दूहरूले आजसम्म भारतबाट सिंधको अलगाव स्वीकार गरेका छैनन्। उनले लालकृष्ण आडवाणीको पुस्ता र आडवाणीको किताबमा यस विषयमा उल्लेख भएको जानकारी दिए।
सिंधु नदीलाई हिन्दू र मुस्लिम दुवै पक्षले पवित्र मान्ने भन्दै रक्षामन्त्री सिंहले भने, “सिंध सभ्यतात्मक रूपमा सधैं भारतको हिस्सा हुनेछ। जहाँसम्म भौगोलिक क्षेत्रको कुरा छ, सीमाहरू परिवर्तन हुन सक्छन्। भोलि सिंध फेरि भारतमा सामेल हुन सक्छ।”
सिंधका मानिसहरू, जो सिंधु नदीलाई पवित्र मान्छन्, सधैं भारतको आफ्नै रहने सिंहको भनाइ थियो।
स्मरणयोग्य छ कि पहिले २२ सेप्टेम्बरमा मोरक्कोमा भारतीय समुदायसँगको भेटमा सिंहले पाकिस्तान कब्जामा रहेको पीओके (पाकिस्तानी कब्जामा रहेको काश्मिर) पनि बिना आक्रमण फिर्ता ल्याउन सकिने बताएका थिए। उनले भनेका थिए, “पीओकेका मानिसहरूले स्वतन्त्रताको माग गरिरहेका छन्, त्यसैले पीओके आफैं हाम्रो हुनेछ।”
प्रकाशित मिति: २०८२ मंसिर ९, सोमवार ०८:१८
