एजेन्सी, पुस २९ । महाराष्ट्रका मुख्यमंत्री देवेंद्र फडणवीसले बीएमसी (बृहन्मुंबई नगर निगम) चुनावको पूर्वसन्ध्यामा मराठी पहिचानमाथि जोड दिँदै स्पष्ट पारेका छन् कि नगर निकायको नेतृत्व मराठी समुदायकै हातमा मात्र रहनेछ।

फडणवीसले सोमवार, १२ जनवरीका दिन आयोजित चुनावी सभामा जनता र विपक्षलाई सो सन्देश दिएका हुन्। उनले उद्धव ठाकरेको शिवसेना र राज ठाकरेको राष्ट्रवादी काँग्रेस पार्टीले मराठी समुदाय खतरा मँडाइरहेको दाबी गरेको विषयमा भने, “मराठी समुदाय होइन, केही राजनीतिक शक्तिहरूको अस्तित्व नै संकटमा छ।”

बीएमसी चुनाव अघि भाषा विवाद पनि ठूलो मुद्दा बनेको छ। फडणवीसले भने, “स्कूलहरूमा हिंदी र अंग्रेजी पढाउने निर्णय उद्धव ठाकरेको सरकारले गर्दा स्वीकृत भएको हो। हाम्रो सरकारले यस निर्णयको अध्ययनका लागि समिति मात्र गठन गरेको छ।” उनले थपे, “उद्धव ठाकरेको कार्यकालमा आएको रिपोर्टले सुझाव दिएको थियो कि विद्यार्थीहरूले हिंदी र अंग्रेजी दुवै भाषा पढ्न पाउनेछन्। उक्त रिपोर्ट सेप्टेम्बर २०२१ मा तयार पारिएको थियो र तत्कालीन कैबिनेटले २० जनवरी २०२२ मा स्वीकृति दिएको थियो।”

यस्तै, शिवसेना (यूबीटी) प्रमुख उद्धव ठाकरेले सरकारमाथि तीखा हमला गर्दै, विगत तीन वर्षमा मुम्बईको विकासलाई नष्ट गरेको र अविभाजित शिवसेनाले २५ वर्षमा गरेको काम ध्वस्त पारिएको आरोप लगाएका छन्।