काठमाडौं, माघ ७ । अमेरिकाले थप ८० जना नेपाली नागरिकलाई डिपोर्ट गरेको छ। मंगलबार साढे ५ बजे त्रिभुवन अन्तर्राष्ट्रिय विमानस्थलमा उनीहरूलाई नेपाल ल्याइएको मानव बेचबिखन अनुसन्धान ब्युरोका प्रमुख एसएसपी कृष्ण पंगेनीले जानकारी दिए।
फर्काइएका ८० मध्ये एक जना महिला रहेको छ। प्रारम्भिक अनुसन्धानका अनुसार अधिकांशले गैरकानुनी तल्लो बाटो प्रयोग गरेर अमेरिका पुगेका थिए। त्यसमध्ये एक जना अध्ययन भिसामा गएको पाइएको छ, तर बाँकीले लाखौं रुपैयाँ तिरेर अमेरिका पुगेको तथ्य बाहिर आएको छ। कतिपयले एक करोड ४० लाख रुपैयाँसम्म खर्च गरेको दाबी गरेका छन्।
एसएसपी पंगेनीका अनुसार, फर्काइएका व्यक्तिहरूको अनुसन्धान तत्काल सुरु गरिएको छ। यस अभियानले मानव बेचबिखन, गैरकानुनी आप्रवासन र भिसा नियम उल्लङ्घनको पहिचानमा मद्दत पुर्याउने अपेक्षा गरिएको छ।
पछिल्लो सात वर्षमा सात सयभन्दा बढी नेपाली नागरिक अमेरिका फर्काइएका छन्। तीमध्ये अधिकांश अमेरिकी पूर्वराष्ट्रपति डोनाल्ड ट्रम्पको कार्यकालमा डिपोर्ट भएका थिए। यसरी फर्काइएका नेपाली नागरिकहरूको संख्या लगातार बढिरहेको छ।
विशेषज्ञहरूको विचारमा, गैरकानुनी आप्रवासन र ठूलो रकम तिरेर विदेश जान खोज्ने प्रवृत्ति रोक्न कडा कानुनी कदम आवश्यक देखिन्छ। सरकारले डिपोर्ट हुने नेपालीको लागि पुनःस्थापना र सामाजिक सुरक्षा व्यवस्था बलियो बनाउन पहल गर्नु पर्ने आवश्यकता औँल्याइएको छ।
यस घटनाले नेपालको नागरिकलाई वैदेशिक रोजगारी र अध्ययनका क्रममा हुने जोखिमबारे सचेत बनाउने काम गर्नेछ।
प्रकाशित मिति: २०८२ माघ ७, बुधबार १६:१८
