मधेशका मुख्यमन्त्री सरोजकुमार यादवले आज १० बजे शपथ लिँदै



जनकपुरधाम, मंसिर ६ । मधेश प्रदेशका नवनियुक्त मुख्यमन्त्री सरोजकुमार यादवले आज बिहान १० बजे पद तथा गोपनीयताको शपथ लिने भएका छन् ।

प्रदेश प्रमुख डा. सुरेन्द्रलाभ कर्णले यादवलाई पद तथा गोपनीयताको शपथ गराउने कार्यक्रम तय भएको छ ।

जनता समाजवादी पार्टी (जसपा) नेपालका मधेश प्रदेश संसदीय दलका नेता यादव संविधानको धारा १६८ को उपधारा (३) अनुसार मुख्यमन्त्री नियुक्त भएका हुन् । प्रदेशसभाको सबैभन्दा ठूलो दलको नेताको हैसियतमा उनी मुख्यमन्त्री नियुक्त भएका हुन् ।

यादवले दोस्रो पटक मधेश प्रदेश सरकारको नेतृत्व सम्हाल्न लागेका हुन् । यसअघि पनि उनी मधेश प्रदेशको मुख्यमन्त्री भइसकेका छन् ।

मुख्यमन्त्री नियुक्त भएपछि यादवले सात दिनभित्र प्रदेशसभाबाट विश्वासको मत लिने बताएका छन् ।

प्रकाशित मिति: २०८३ मंसिर ६, आइतवार ०७:३९

यो खबर पढेर तपाईलाई कस्तो महसुस भयो ?

सम्बन्धित खवर
भर्खरै प्रकाशित

धेरै पढिएको