राजविराज, फागुन २५ । लेनदेन बिगो मुद्दामा आदतलबाट कैद सजाय तोकिएर फरार रहेकी एक महिला पक्राउ परेकी छिन् ।
सप्तरी जिल्ला अदालतबाट उक्त मुद्दामा ६ महिना कैद सजाय तोकिएकी सप्तरीको खडक नगरपालिका ५ की ४० वर्षिया सतिदेवी थरुनी पक्राउ परेकी हुन् ।
आइतबार उनलाई गाउँघरमै लुकी बसेको अवस्थामा इलाका प्रहरी कार्यालय कल्याणपुरबाट खटेको टोलीले पक्राउ गरेको प्रहरी निरिक्षक सुरेन्द्र नेपालीले जानकारी दिए ।
पक्राउ परेका उनलाई आइतबार नै सप्तरी जिल्ला अदालतमा उपस्थित गराइएको प्रहरीले जनाएको छ ।
प्रकाशित मिति: २०८१ फाल्गुन २५, आईतवार १४:५४
