मनोज माझी
राजविराज, बैशाख ३ । सप्तरीको सुरुङ्गा नगरपालिका–७ तीनगछिया स्थित पोखरी किनारमा अघिल्लो दिन मृत भेटिएकी १८ वर्षिया पूजा कुमारी रामको हत्या भएको भन्दै परिवारजनले दोषी पत्ता लगाई कडा कारवाहीको माँग गरेका छन् ।

मृतककी आमा रामवती देवी रामले बुधवार इलाका प्रहरी कार्यालय कडेरबोनामा ज्यान सम्बन्धि कसुरमा जाहेरी दिदै यस्तो माँग गरेकी हुन । सोही वडा निवासी नागेन्द्रं रामकी १८ वर्षिया छोरी पूजा मंगलवार विहान ७ बजेतीर घरबाट ५ सय मिटरको दुरीमा अवस्थित कुसुम लाल साहको पोखरी किनारमा मृत अवस्थामा फेला परेकी थिइन । घाँसपातले छोपिएको अवस्थामा उनको शव फेला परेकोले हत्याको आशंका प्रहरीले समेत गरेका छन । जिल्ला प्रहरी कार्यालय सप्तरीका प्रवक्ता एवं प्रहरी नायब उपरिक्षक जीतेन्द्र कुमार वस्नेतले घाँसपातले छोपेर राखिएको अवस्थामा पूजाको शव भेटिएकाले हत्याको आशंका गरीए पनि पोस्टमार्टम रिर्पाेट आएपछि मात्र मृत्युको यकिन कारण भन्न मिल्ने जनाएका छन ।

अहिले पूजाको शव पोस्टमार्टका लागी धरान स्थित विपी कोइराला स्वास्थ्य विज्ञान प्रतिष्ठानमा पुृ¥याई घटनाबारे सुक्ष्म अनुसन्धान भईरहेको उनको भनाई छ । पुजाले लगाउने एउटा चप्पल घरको गेट नजिकै तथा अर्काे चप्पल सय मिटरको दुरीमा फेला परेको छ । जसकारण कसैले घरबाट अपहरण गरी एकान्त स्थलमा पु¥याई हत्या पश्चात घाँसपातले छोपेर राखेको परिवारजनको दाबी छ ।

प्राप्त घटना विवरण अनुसार मृतककी आमा रामवती नयाँ वर्ष सोमवारका दिन साँझ टोल मै भइरहेको अष्टयाममा पुजापाठका लागी सहभागी हुन गएकी थिइन । घरमा छोरी पूजा र १२ वर्षिय छोरा विश्वजीत मात्रै थिए । अष्टयाम सकेपछि अबेर राती घर फर्किदा विश्वजीत कोठामै सुुतिरहेको देखिएपनि पूजा भने वेपत्ता थिइन । रामवती तत्कालै छरछिमेकमा खोजतलास गरेकी थिइन । तर पुजा कतै फेला परिनन । विहान पख वेपत्ता छोरीको खोजतलास गरि दिन आग्रहका लागी प्रंहरीमा जाने तयारीमा रहेकै वेला घाँसपातले छोपिएको अवस्थामा पूजाको मृत शरिर फेला परेको खबर सुनेपछी उनी बेहोश भइन ।

स्थानीय कसै कसैले पिसाब फेर्न निस्कदा रातीको समयमा एक्लै रहेको मौका छोपी गलत मनसायले अपहरण गरी पोखरीको डिलमा पु¥याई अपराधीले हत्या गरेको आशंका समेत ब्यक्त गरेका छन । पूजाले लगाउने चप्पल फरक÷फरक स्थानबाट फेला परेकाले अपराधी र पूजाबीच घम्साघम्सी भएको हुन सक्ने अनुमान गरिएको छ । घटनाको प्रकृति र शवलाई घाँसपातले छोपेर राख्नु गलत नियतले नै हत्या गरिएको समेत स्थानीयको अनुमान छ ।

अनुसन्धानको क्रममा प्रहरीले मधेश प्रदेशको केनाई शाखा लालगढबाट डगस्क्वाड (तालिम प्राप्त कुकुर) ल्याएर त्यसको प्रयोग समेत गरेको छ । त्यसबाट पनि केही संकेत फेला परेको हुन सक्ने अनुमान गरीए पनि अनुसन्धान जारी रहेकाले पोस्टमार्टम रिर्पाेट र अनुसन्धान सकिएपछि सबै सत्य तथ्य सार्वजनिक गरिने प्रहरीको भनाइ छ ।

मजदुरी पेशमा संलग्न मृतकका वुआ नागेन्द्र अहिले रोजगारीका सिलसिलमा विदेशमा छन । यता परिवारजन संगै दलित सरोकार मञ्च नेपालका निर्देशक भोला पासवानले बुधवार नै एक प्रेस विज्ञप्ती मार्फत घटनाको सूक्ष्म छानवीन गर्न र दोषी पत्ता लगाई कडा कारवाही गर्न माँग गरेका छन ।