एजेन्सी, असार ८ । जनसुराज पार्टीका सर्वोच्च नेता प्रशान्त किशोर ले बिहारीहरुको काम मतदान गरेर सरकार बनाउन मात्र रहेको भन्दै सरकार माथि प्रहार गरेको छ ।
बिहार बदलाव यात्राको क्रममा शनिबार साँझ मोहिउद्दीननगर पुगेका प्रशान्त किशोरले बिहारीहरुको काम मतदान गरेर सरकार बनाउने काममा मात्र केन्द्रित हुन नहुने बताए ।
उनले भने , ‘जनसुराज बिहार र बिहारीहरूको भाग्य परिवर्तन गर्ने संकल्पका साथ तपाईंहरू माझ छन्। यसका लागि पीकेलाई तपाईंको समर्थन, विश्वास र आशीर्वाद मात्र चाहिन्छ। हामी भ्रष्टाचारबाट मुक्त हुनेछौं। रोजगारीका अवसरहरू हुनेछन्। त्यसपछि हामी र हाम्रा बच्चाहरू कुनै पनि कारखानामा काम गर्न बिहार बाहिर जानु पर्दैन ।’
बिहार र केन्द्र सरकार विकासको वास्तविक स्क्रिप्टबाट टाढा गएको उल्लेख गर्दै प्रशान्त किशोरले धार्मिक उन्माद फैलाएर सरकारले मूर्ख बनाइरहेको बर्ता ।
गरिबी र भोकमरी बाहेक, मजदुरहरूले आजसम्म उचित रोजगारी पाउन नसकेका टिप्पणी गर्दै उनले भने ,‘ हामी बिहारीहरूको काम केवल मतदान गरेर सरकार बनाउनु हो। तर गुजरातमा उद्योगहरू स्थापना गरिएका छन्। आजसम्म हामीलाई केवल भोट मेसिनको रूपमा मात्र प्रयोग गरिएको छ । अब यो सम्भव छैन । ’
उनले आफ्ना बच्चाहरूको भविष्य र बिहारको विकास र यसको भाग्य परिवर्तन गर्न मतदान गर्न अनुरोध गरेक ार्थि ।
‘जनसुराज बिहारको विकास र तपाईंको समस्याहरूको अन्त्यको लागि ठोस सिद्धान्त र दृष्टिकोणका साथ मैदानमा उत्रिएका छन्।’ उनको कथन थियो ।
जनसुराजले बिहारका सबै २४३ विधानसभा सिटको ढोका पूर्ण शक्तिका साथ ढकढक्याउने उल्लेख गर्दै उनले शिक्षा, रोजगारी, विकास योजनाहरूमा फैलिएको भ्रष्टाचार र बिचौलियाको बढ्दो प्रभावमाथि आलोचना गरे र सबै कुराको लागि डबल इन्जिन सरकारलाई जिम्मेवार ठहराए ।
पार्टीका जिल्ला अध्यक्ष राज कपूर सिंहको अध्यक्षतामा भएको कार्यक्रमको संचालन भूपेन्द्र यादवले गरेका थिए ।
प्रकाशित मिति: २०८२ असार ८, आइतवार १०:०७
