सप्तरी, चैत २ । यात्रु बोक्ने अटोमा गाँजा तस्करी गर्दै गरेको अवस्थामा सप्तरी प्रहरीले एक महिला सहित दुईजना लाई पक्राउ गरेको छ ।
प्रहरीले अटोबाट एक क्विनटल ११ किलो ८ सय ग्राम प्रतिबन्धित लागुऔषध गाँजा समेत बरामद गरेको छ ।
प्रहरीका अनुसार शनिबार राति ८ बजेतिर तिरहुत गाउँपालिका वडा नम्बर २ बडहारामा कञ्चनपुरबाट डिमन तर्फ जाँदै गरेको प्र.२–०१–००१ ह ००२२ नम्बरको अटो रिक्सालाई चेकजाँच गर्दा उक्त परिमाणको लागुऔषध गाँजा बरामद भएको हो ।
तीनवटा सेतो रङ्गको बोरामा राखिएको उक्त गाँजाको तौल गर्दा एक क्विनटल ११ किलो ८ सय ग्राम भएको जिल्ला प्रहरी कार्यालय सप्तरीका प्रहरी नायब उपरीक्षक डम्बर बहादुर पुरीले जानकारी दिए ।
उक्त लागुऔषध गाँजा ओसारपसार कार्यमा संलग्न अटो चालक कञ्चनरुप नगरपालिका वडा नम्बर ७ सितापुर टोल बस्ने ४२ बर्षीय जामुन महतो तथा सोही वडा निवासी २८ बर्षीया कविता कुमारी माझीलाई प्रहरीले नियन्त्रणमा लिएको छ । पक्राउ परेका दुबैजनालाई आइतबार सप्तरी जिल्ला अदालतबाट लागुऔषध कसुर मुद्दामा सप्तरी जिल्ला अदालतबाट बाट सात दिनको म्याद थपी आवश्यक अनुसन्धान भई रहेको जिल्ला प्रहरी कार्यालय सप्तरीले जनाएको छ ।
प्रकाशित मिति: २०८२ चैत्र २, सोमबार १६:४१
