काठमाडौं, असोज १९ । आईसीसी विश्वकप क्रिकेट लिग-२ अन्तर्गतको एकदिवसीय शृङ्खला खेल्न ओमान जाने नेपाली राष्ट्रिय क्रिकेट टोलीको बिदाइ गरिएको छ।
काठमाडौंमा आयोजित एक कार्यक्रमबीच नेपाल क्रिकेट संघ (क्यान)का अध्यक्ष चतुरबहादुर चन्द, सचिव पारस खड्कालगायत पदाधिकारीले नेपाली टोलीलाई बिदाइ गरेका हुन्।
बिदाइ कार्यक्रममा क्यान अध्यक्ष चन्दले नेपाली खेलाडी पछिल्लो समय राम्रो लयमा रहेकाले लिग–२ को शृङ्खलामा उत्कृष्ट प्रदर्शन गर्ने विश्वास व्यक्त गर्दै टोलीलाई शुभकामना दिए।
लिग–२ अन्तर्गत नेपालले ओमानमा घरेलु टोली ओमान र क्यानडासँग प्रतिस्पर्धा गर्नेछ। नेपालले पहिलो खेल असोज २५ गते क्यानडासँग खेल्नेछ। त्यसपछि असोज २७ गते ओमानसँग प्रतिस्पर्धा गर्नेछ।
त्यसैगरी नेपालले असोज ३१ गते क्यानडासँग दोस्रो खेल खेल्नेछ भने कात्तिक २ गते ओमानसँग चौथो तथा अन्तिम खेल खेल्ने तालिका रहेको छ।
लिग–२ को जारी चक्रमा नेपालका लागि ओमान भ्रमण महत्वपूर्ण मानिएको छ। एकदिवसीय अन्तर्राष्ट्रिय ९ओडीआई० मान्यता कायम राख्न नेपालले शृङ्खलामा महत्वपूर्ण अंक हासिल गर्नुपर्ने अवस्था छ।
नेपालले पछिल्ला अन्तर्राष्ट्रिय खेलमा देखाएको प्रदर्शनलाई निरन्तरता दिँदै लिग–२ मा पनि बलियो प्रदर्शन गर्ने अपेक्षा गरिएको छ। चार खेलबाट प्राप्त हुने अंकले नेपालको लिग–२ तालिकाको स्थिति र आगामी यात्रामा प्रभाव पार्नेछ।
नेपालको टोलीले ओमान र क्यानडासँग प्रतिस्पर्धा गर्दै लिग–२ मा आफ्नो स्थिति सुधार गर्ने लक्ष्य राखेको छ।
प्रकाशित मिति: २०८३ आश्विन १९, सोमबार ०७:४४
