काठमाडौं, मंसिर २७ । नेपाल प्रिमियर लिग (एनपीएल) को फाइनल खेल शुक्रबार काठमाडौंमा सुरु भएको छ। साविक उपविजेता सुदूरपश्चिम रोयल्स र लुम्बिनी लायन्स उपाधिका लागि भिडिरहेका छन्।
खेल हेर्न क्रिकेट प्रेमीहरू अत्यन्त उत्साहित देखिएका छन्। टिकटहरू शुक्रबारै बिक्री भइसकेको थियो र त्रिवि रंगशाला पूर्ण रूपमा दर्शकले भरिएको छ। रंगशालाभित्र मात्र नभई बाहिर पनि उत्सुक दर्शकहरूको ठूलो भीड लागेको छ।
फाइनल खेलमा सुदूरपश्चिमले टस जितेर पहिले ब्याटिङ सुरु गरेको छ। उनीहरूले आजको खेलका लागि दुई परिवर्तन गरेका छन्। मुख्तार अहमदको स्थानमा पुनीत मेहरा र मिलन बोहराको स्थानमा दीपक बोहरा खेलमा आएका छन्।
लुम्बिनी लायन्सले एक परिवर्तन गरेका छन्। जेजे स्मिथको स्थानमा श्रीलंकन खेलाडी मोभिन शुभसिंहा पहिलो खेल खेलिरहेका छन्।
फ्यानहरूले मैदानमा उच्च उत्साह र रोमाञ्चक प्रतिस्पर्धा अनुभव गर्दै, दुवै टिमको खेल प्रदर्शनको प्रतिक्षा गरिरहेका छन्।
प्रकाशित मिति: २०८२ मंसिर २७, शनिबार १६:०१
